Домалақ ене атындағы орта мектебінде  «Бағалау процесінде қолданылатын тапсырмалардың түрлері» тақырыбында аудандық семинар өткізілді. Мектебіміздің  ағылшын тілі пәні мұғалімдері П.Құстүтінова «TV programmes», С.Күребаева «Human,s brain», А.Келдібаева «Types of writing», Д.Бұтабаева «Musical instruments» тақырыбында ашық сабақтарын өткізді. Аудандық білім бөлімінің ағылшын тілі пәні бойынша әдіскері А.Нұрғазықызы және аудан мектептерінен келген мұғалімдер сабақтарға қатысып ерекше  әсер алып қайтты.   Семинар

Домалақ ене атындағы орта мектебінде «Қауіпсіз мектеп автобусы» атты акция аясында мектеп алды даярлық топтарымен «Бағдаршам» тақырыбында интеллектуалдық ойын өткізілді. Ойын жоғары дәрежеде өтіп, төмендегі оқушылар білімдерін көрсетіп марапатталды. Олар: А.Каналбай, А. Момбай, С.Бақдаулет, А. Рахымзиян және Сапарғали Дамир. Жалпы ойын топтар арасында жарыс түрінде ұйымдастырылды. І орынды «Тоқта» тобы, ІІ орынды «Сақтан» тобы және ІІІ орынды «Өте бер» тобы иеленді.

Биыл хакім Абай Құнанбаевтың туғанына 175жыл. Соған орай 24 қаңтарда Домалақ ене атындағы орта мектебінде «Ұлы халықтың-ұлы Абайы» тақырыбында әдеби-сазды кеш өтті. Әдеби -сазды кештің басты мақсаты жас ұрпаққа ұлы Абайдың мұрасын дәріптеу, шығармашылығының қыр-сырын меңгерту. Хакім Абайдың теңіздей терең әлеміне шолу жасап, өлеңдерін, қарасөздерін нақышына келтіріп оқып, әндерін тамылжыта орындап, ақынның жас кезінен сахналық көрініс қойды. Бұл іс-шараға мектеп оқушылары мен мектеп ұжымы бір кісідей атсалысты.

Домалақ ене атындағы орта мектебінде «Интернетсіз бір күн» тақырыбында ашық сынып сағаты өткізілді және мектеп кітапханашысы З.Утегулова «Интернетсіз өмір» тақырыбында бұрыш ұйымдастырды.

23 қаңтар күні Домалақ ене атындағы орта мектебінде 9 сынып оқушылары мен ата-аналар арасында болашақ мамандық және кәсіби бағдарын таңдауда көмектесу, мамандық әлемі және оның ерекшеліктері туралы дүниетанымын кеңейту мақсатында «Мамандықтың бәрі жақсы, жүректен оны таңдай біл» тақырыбында дөңгелек үстел өткізілді. Оқушылардың алдағы уақытта мамандық таңдауға дұрыс жолда болуына себепкер болу, таңдаған мамандығының өз бейімділігі мен қабілетіне сәйкес келуін нақтылау, өз-өзін танудың жалпы әзірлігін қалыптастыру туралы түсіндірілді.

Домалақ ене атындағы орта мектебінде оқушылардың моральдық қасиеттерін нығайтуға сонымен қатар ішкі парасаттылыққа және адалдыққа тәрбиелеуге бағыттау мақсатында «Адалдық алаңы» ұйымдастырылды . Мектепте 22 қаңтар күні «Адалдық алаңы» өткізілді. 6 - сынып оқушылары өздері пісіріп әкелген заттары қойылды (булочка, коржик, алма) қол жетімді бағада өткізілді. Мектеп оқушылары адал екендіктерін көрсете білді. Кассадағы ақша қойылған заттар бағасына сәйкес тура шықты.

Шу ауданы әкімдігінің білім бөлімінің 2020 жылдың қаңтар айында білім беру ұйымдарында психологиялық кеңес беру айлығы туралы 001-055 хатына сәйкес Домалақ ене атындағы орта мектебінде айлық жоспары бекітіліп, жоспарға сәйкес іс-шаралар өткізілуде. «Баршаға бақыт тілейміз» тақырыбында 6-7 сынып оқушыларымен акция жүргізілді.

Домалақ ене атындағы орта мектебінде мектеп медбикесі А.Джанықұлова «Тұмаудың алдын алу және оны емдеу жолдары» тақырыбында баяндама оқыды. Оқушыларға салауатты өмір сүруге, тұмау және тұмаудан сақтану туралы мағлұматтар берілді. Оқушыларға денсаулық ең басты байлық екенін ұғындыру, сонымен қатар тазалық жеке бас гегиенасы, дұрыс тамақтану туралы пайдалы кеңестер айтты.