Қараша айында мектептің жетістіктер қоржынын толтырған білім алушыларымызды марапаттап, аудандық кезеңнен өтіп облысқа жолдама алғандарға мұғалімдер атынан ақшалай сыйлық бердік. Атап айтар болсақ:

Республикалық ауыл балаларына арналған "Айқанат" олимпиадасының жүлдегері 50% жеңілдікті ұтып алған оқушымыз Өсербай Ақерке Бурабайдағы "IQanat high school" мектебіне 10 күнге дайындық сабақтарына жолдама алып, бүгінде білімін шыңдауда.

Республикалық "Алтын сақа" математикалық олимпиадасының аудандық кезеңінде 5 сынып оқушысы Тұрсын Раяна 3-ші орынды иеленді, жетекшісі Фарходдинова Замира.

8-10 сыныптар арасындағы республикалық "Қазақтың біртуар ұлы-Д.А.Қонаев" атты шығармашылық байқауының аудандық кезеңінде Тоқтарқұл Ақнұр 2-орынды иеленсе, Сейсехан Нұрлыгүл мен Еркінбек Ділназ 3 орын иеленді. Жетекшілері Тойшыбекова Сайраш, Сыздықбаева Бағдагүл. "Менің шағын Отаным" атты аудандық жас тарихшылардың интеллектуалды байқауында Асқарбай Сезім 3-ші орын алды.

"Айша бибі" атты аудандық би байқауында бишілеріміз "Ерке" тобы 1-ші орынды жеңіп алды. Түркістан қаласында өткен Халықаралық " NURLY FEST" көпжанрлы өнер байқауында ерекше дараланып "Ерке" би тобы 1-орын, "Гүлдер-ай" 3-орын, Тараз қаласында өткен Халықаралық "Jalyn bi" би байқауында "Әдемі" би тобы 1-орынды иеленіп Астанаға тегін жолдама алды. "Айгөлек" би тобы 3-орын иеленіп Ыстық көлге тегін жолдама алды, жетекшісі Кулбекова Жазира.

Аудандық 9-11сынып оқушылар арасындағы өткізілген "Мектеп лига" жарысында волейболдан ұлдар командасы1-ші орынды иеленіп, облысқа жолдама алды. Жас волейболшыларымызға сәттілік! Жетекшісі Мүташ Абзал.

Дарынды білім алушыларымызға, ата-аналарына, жетекшілеріне мың алғыс.

Жетістіктер қоржыны тола берсін!