2025 жылдың 6 мамыр күні мектебімізде «Сапта жүріп ән айту» атты патриоттық бағыттағы мектепішілік байқау өткізілді. Шараның мақсаты — оқушыларды әскери тәртіпке, ұйымшылдыққа, отансүйгіштікке баулу.

Байқауға 8-10 сынып оқушылары қатысты. Әр сынып саппен жүріп, біркелкі қадам жасап, патриоттық әндерді орындады. Қазылар алқасы саптың түзілуі, қадамның біркелкілігі, әнді нақышына келтіріп орындау сынды критерийлер бойынша бағалады.

Іс-шара өте жоғары деңгейде өтті. Оқушылар белсенділік танытып, мерекелік көңіл-күй сыйлады. Жеңімпаз сыныптар марапатталып, алғыс хаттармен және грамоталармен марапатталды.