2022 жылдың 20 желтоқсанында алтын ұя мектебіміздің  100 жылдығы өтті.  Білім ордасы қаймағы бұзылмаған ұлттық тәлім мен тәрбиенің қара шаңырағы, мектептің іргетасы 1922 жылы қаланған.Алғаш 10 оқушы латын әріпімен оқыған. 

Мерейлі тойға жиналған қонақтар өткен күндерге шегініс жасап, мектеп тарихынан сыр шертетін фильм көрсетіліп, өнерпаздар ән шырқап, би билеп көпшіліктің көңілін бір серпілтіп тастады. "Сан қыранды самғатқан алтын ұя" атты ғылыми конференцияға мектеп басшылары, ардагер міұғалімдер, 100 жасқа толған ұстаздардың ұрпақтары қатысып, өз ойларымен бөлісті. Қалған қонақтар "Мектеп-өмірім" атты сыр-сұхбатты тамашалады. Бірнеше буын ұрпақ өкілдері бас қосып, өздерін оқытып, тоқытып, өмір әліппесін үйреткен ұстаздары жайлы, еңбек жолдары жайлы тебіреніске толы естеліктерін айтты. Сондай-ақ   жүректен шыққан ақ тілек, жылы лебіздерін құттыктауларын жеткізе отырып мектепке алып келген сыйлықтарын тарту етті. Келген қонақтарға алғысымызды білдіріп, сый-сыяпатымызды табыстадық.