Домалақ ене атындағы орта мектебінде “Жарқын жастық - баянды болашақ” тақырыбында студенттермен кездесу өткізілді. 

Мақсаты: Оқушыларға мамандық таңдау, оның адам өмірінде алатын орны, маңызы туралы түсініктерін қалыптастыру; бұрынғы бітіріп кеткен және қазіргі таңда студент болып жүрген түлектердің жақсы қасиеттерін, озық қабілеттерін кейінгіге үлгі ету; мамандықтардың түрлерін айтып өту. 

Кешіміздің қонақтары:

2022 жылдың үздік аттестат иегері, мектебіміздің мақтанышы болған, Абай атындағы Қазақ Ұлттық Педагогикалық университетінің “Бастауыш ақпараттық коммуникациялық технологиялық білім беру” мамандығының 2 курс студенті Аман Гүлзат. 

Мектебіміздің қоғамдық іс - шараларға белсене қатысқан, волейболшы, 2023 оқу жылының түлегі, Абай атындағы Қазақ Ұлттық Педагогикалық университетінің “Дене шынықтыру және спорт” мамандығының 1 курс студенті Кемелбек Диас. 

2023 жылдың қызыл аттестат иегері, мектебіміздің мақтанышы болған, Темірбек Жүргенов атындағы академияның “Медиа журналистика” мамандығының 1 курс студенті Маханбай Салиха.

Мектебіміздің математигі, 2023 жылы М.Х.Дулати атындағы Тараз өңірлік университеті, “Жамбыл дарыны” аймақтық ғылыми практикалық орталығы “Зерделі” ақыл - ой дамыту мектебінің грант иегері, Абай атындағы Қазақ ұлттық университетінің “Физика” мамандығының 1 курс студенті Мұхтарбек Батырхан. 

Мектебіміздің қоғамдық іс - шаралардың белсендісі, 2023 жылдың түлегі, Халықаралық инженерлік - технологиялық университетінің “Тағам өндірісінің технологиясы және инженериясы” мамандығының 1 курс студенті Рысқұл Балауса.